Апошні дзень Тыдня роднай мовы прайшоў пад дэвізам “Роднае слова – гэта першая крыніца, праз якую мы пазнаём жыццё і акаляючы нас свет” (Якуб Колас). Завяршыўся ён віртуальным падарожжам “Слова – ты, слова – я” ў 6-х класах, квэст-гульнёй “Зямля мая загадкавая” ў 9 ”А” класе, гульнёй “Хто хоча стаць выдатнікам” у 9-х і 10-м класах. А таксама паказам відэаролікаў на тэму “Кампліменты беларускай мове”, знятых вучнямі 11-га класа.

1 лютага агульны цёплы, душэўны настрой усяму дню надала акцыя “Маё любімае слова па-беларуску”, у якой з задавальненнем удзельнічалі і вучні, і настаўнікі. Інтэлектуальная гульня “Я люблю цябе, родная мова” дала магчымасць вучням 8-х класаў прадэманстраваць свае веды па беларускай мове. Вучні 7-класаў выпрабавалі ўласныя сілы ў літаратурна-пазнавальнай гульні “Сябруй з роднай мовай”. Дыдактычная гульня “Пагуляем у роднае слова” дазволіла вучням 5 “В” класа не толькі паказаць свой слоўнікавы запас, але і пашырыць яго.

Чацверты дзень пад дэвізам “Мова – гэта вялікі народны скарб. Яго нельга не паважаць…”(Іван Мележ) дадаў новых фарбаў Тыдню. Мульціманія па-беларуску (прагляд мультфільмаў на роднай мове) і гульня “Арфаграфічнае даміно” захапілі дзяцей на некалькі перапынкаў. Колькі досціпу, жартаў, самабытнасці беларусаў было на віктарыне “Як ты сэрцу майму міла, дарагая Беларусь!”, якая праходзіла ў 5-х класах! Шчаслівыя вочы дзяцей – сведчанне іх неабыякавасці і недарэмнасці нашай настаўніцкай працы, нашага агню.

30 студзеня вучням быў прапанаваны прагляд відэафільма “Цікавыя факты пра беларускую мову”, усе перапынкі былі музычнымі, дзеці спявалі разам з гуртам “Дразды”, а 6-ыя класы адправіліся ў падарожжа па родным краі “Каб любіць Беларусь нашу мілую…”