1 лютага агульны цёплы, душэўны настрой усяму дню надала акцыя “Маё любімае слова па-беларуску”, у якой з задавальненнем удзельнічалі і вучні, і настаўнікі. Інтэлектуальная гульня “Я люблю цябе, родная мова” дала магчымасць вучням 8-х класаў прадэманстраваць свае веды па беларускай мове. Вучні 7-класаў выпрабавалі ўласныя сілы ў літаратурна-пазнавальнай гульні “Сябруй з роднай мовай”. Дыдактычная гульня “Пагуляем у роднае слова” дазволіла вучням 5 “В” класа не толькі паказаць свой слоўнікавы запас, але і пашырыць яго.

Чацверты дзень пад дэвізам “Мова – гэта вялікі народны скарб. Яго нельга не паважаць…”(Іван Мележ) дадаў новых фарбаў Тыдню. Мульціманія па-беларуску (прагляд мультфільмаў на роднай мове) і гульня “Арфаграфічнае даміно” захапілі дзяцей на некалькі перапынкаў. Колькі досціпу, жартаў, самабытнасці беларусаў было на віктарыне “Як ты сэрцу майму міла, дарагая Беларусь!”, якая праходзіла ў 5-х класах! Шчаслівыя вочы дзяцей – сведчанне іх неабыякавасці і недарэмнасці нашай настаўніцкай працы, нашага агню.

30 студзеня вучням быў прапанаваны прагляд відэафільма “Цікавыя факты пра беларускую мову”, усе перапынкі былі музычнымі, дзеці спявалі разам з гуртам “Дразды”, а 6-ыя класы адправіліся ў падарожжа па родным краі “Каб любіць Беларусь нашу мілую…”

29 студзеня ў рамках Тыдня роднай мовы была наладжана выстава “Любімае слова на роднай мове ў малюнках”. Кемлівасць і спрыт вучні праявілі ў конкурсе “Збяры прыказкі, прыметы, павер’і”. Акцыя “Скарбонкі мудрасці” дала магчымасць праявіць сябе ў разгадванні рэбусаў. На працягу тыдня ў 5-11 класах будзе праводзіцца інфарм-дайджэст “10 цікавых фактаў пра беларускую мову.